+11 °С
Ясно
Сайлымаш
18 Сентября , 04:57
Башкортостаныште сайлымаш тӱҥалын
Башкортостаныште 18 сентябрьыште 8.00 шагат эрдене сайлымаш участок-влак почылтыныт. Республикыште Россий Кугыжаныш Думыш депутат-влакым федеральный сайлымаш, БР Кугыжаныш Собраний-Курултайыш депутат-влакым ешартыш сайлымаш да муниципальный сайлымаш-влак эртат.
«ЧОЛМАН» ГАЗЕТЫМ МАX-ЫШТЕ ЛУДЫНА!
Йӱклымаш кум кече, 18 гыч 20 сентябрь марте - 20.00 шагат кас марте шуйна. Йӱклымашыш сайлымаш кечылан 18 ийыш темыше Российын чыла гражданинже ушнен кертеш. Единый сайлымаш кечылаште республикыште тыгак «Рахмат» акцийым эртарат.
Сайлымаш шотышто «шокшо линийын» телефонжо - 8-800-200-00-20.
Йӱклымашын ончылгоч иктешлымашыже шочмын, 21 сентябрь эрдене, пале лиеш. Кугыжаныш Думыш сайлымашын чумыр иктешлымашыжым Россий Рӱдӧ Избирком 5 октябрь марте рашемдышаш, 11 октябрь марте официально савыктышаш.
Нефтекамскыште сайлымаш кечылаште 53 участковый сайлыме комиссий (746 еҥ) пашам ышта. Чылаже 104724 сайлышым регистрироватлыме. 481-ше сайлыме участкыш йӱклаш еҥ-влак эрденак ятырын миеныт. Черетыште шоген, бюллетеньым налмеке, чолган йӱклат.
