План почеш Башкортостанын Вуйлыкшылан кандидатым 31 май гыч 20 июнь марте темлаш лиеш. Кандидат-влак регистрацийлан документыштым 1-11 июль кечылаште намийышаш улыт, а регистраций 20 июлеш мучашлалтеш. Агитацийлан 10 август гыч 6 сентябрьыште 00.00 шагат марте жапым ойырымо.
Участковый избирательный комиссий-влак йӱклымаш деч 20 кече ончыч - 19 августышто пашам ышташ тӱҥалыт. Лекше йодышлам 18 июнь гыч 12 сентябрь марте шокшо линийыш 8-800-347-54-54 номер дене йыҥгыртен рашемдаш лиеш.
Тений Башкортостаныште дистанционный электрон йӱклымаш огеш лий. Рӱдӧ избиркомын секретарьже Марина Долматован мутшо почеш, Единый йӱклымӧ кечын шке участкышкышт сайлаш миен кертдыме еҥ-влак 22 июль гыч Госуслуги да МФЦ гоч кеч-могай верысе сайлыме комиссийыш йодмашым колтен кертыт. Тений шыжым «Мобильный избиратель» программа дене Башкортостаныште улшо-влак гына пайдаланен кертыт.