Сайлымашым иктешлыме

Тиде гана ӱлыл палатыш вич партий эртен. «Единая Россия» 324, КПРФ 57, «Справедливая Россия - За правду» 27, ЛДПР 21, «Новые люди» 13 мандатым, «Родина», «Гражданская платформа» да Партия Роста округлаште ик мандат дене налыныт. 450 депутат коклаште шкем шке темлыше 5 еҥ уло. Тений сайлымаш годым явка 51,72% лийын.

Рӱдӧ избирком Кугыжаныш Думыш сайлыме депутат-влакын спискыштымат пеҥгыдемден. Тушто Башкортостан гыч 14 депутат пашам ышташ тӱҥалеш. Тиде Римма Утяшева, Наталья Орлова, Владимир Сенин, Ирина Панькина, Ризван Курбанов, Рима Баталова, Эльвира Аиткулова, Динар Гильмутдинов, Павел Качкаев, Зариф Байгускаров, Рафаэль Марданшин («Единая Россия» партийын еҥже-влак), Александр Ющенко (КПРФ), Иван Сухарев (ЛДПР), Рифат Шайхутдинов (Гражданская сила).