+14 °С
Облачно
Самырык тукым
31 Июля , 09:00
Самырык эколог-влак пӱртӱсым шымленыт
Стерлибаш районышто самырык эколог да лесовод-влакын «ЭКОбратство» республикысе слётышт эртен. Тушто Башкортостанын 24 муниципалитетше гыч 100 тунемше (17 команда) шинчымашыжым ончыктен. Слетыш икымше гана Луганск ден Донецк Калык Республикыла гыч делегаций-влак ушненыт.
БР Экологий министерствын сайтше гыч налме фото.
«ЧОЛМАН» ГАЗЕТЫМ МАX-ЫШТЕ ЛУДЫНА!
Тиде экологий да биологий рӱдерын, юннат-влакын станцийыштын, школысо лесничество да экостанций-влакын воспитанникышт. Нуно тӱрлӧ квестыште, пасуласе шымлымаште, интеллектуальный турнирыште таҥасеныт. Учёный-эколог-влак нунылан мастер-классым эртареныт. Школласе лесничество-влакын еҥышт «Основы идентификации деревьев», «Лесная флора», «Биология и экология древесных растений», «Приборы и инструменты для лесного хозяйства», самырык эколог-влак «Лесные робинзоны», «Юные териологи», «Заповедный край Башкортостана» конкурслаште вий-куатыштым тергеныт.
Индивидуальный йыжыҥыште ӱдыр-рвезе-влак «энтомология», «орнитология», «ботаника», «почвоведение», «гидробиология», «лесная таксация», «ботаника», «лесопатология», «почвоведение» номинацийлаште шымлымаш-влакым эртареныт. Эколог-влак коклаште 1 верыш Бурай селан, 2 верыш Дӧртыльӧ олан, 3 верыш Аургаза районын командыже-влак лектыныт. Лесовод-влак коклаште Абзелил районын «Зеленый лес» командыже икымше, Луганск Калык Республикын «ЮНЛЕСКОМ» командыже кокымшо, Нуриман районысо Новокулево селасе школын командыже кумшо лийыныт.
Пагалыме лудшына-влак, ВК ден Одноклассники соцлаштыклаште вераҥдыме уверым каҥашаш ушнаш ӱжына!
