+14 °С
Облачно
Самырык тукым
3 Июня , 13:11
Школыштына «Кече» лагерь почылто
Кужнур кыдалаш школыштына тунемме ий деч вара йоча-влаклан «Кече» лагерьым почмо. Тиде лагерь кумло йочалан йӧнештаралтын. Лагерьыште кажне кечыже посна темылан пӧлеклалтын. 1 июньышто Йочам аралыме тӱнямбал кечым палемдышна.
Авторын фотожо-влак.
Тиде ик эн тошто тӱнямбал пайрем: тудым 1950 ийыште эртараш тӱҥалыныт. Но тиде кече шыргыжмаш, сӱрет да каникул тӱҥалме нерген веле огыл. Тиде кугыеҥ-влаклан кажне йочан илышлан, образованийлан, канышлан, эрыкан шонымашлан, тӱрлӧ осал койыш деч аралалташ праваже улмо нерген ушештарымаш. Школыштына рвезе-влак «Краски детства» элысе акцийыш ушнышт да асфальтысе сӱрет конкурсыш чумыргышт. Школ ончылно асфальт кугу сӱрет радынаш савырныш. Йоча-влак тыныслыкым, келшымашым, куаным, кечым да нунылан пиалан йоча пагыт мом ончыктымым сӱретлышт. Кӧ чевер тӱсым ойырен налын, кӧ йолташыже пелен сӱретлен, кӧ сӱретышкыже тыглай шонымашым - чыла йочалан ласка, лӱдыкшыдымӧ да сай лийже манме тыланымашым - шыҥдарен.
Пагалыме йочана-влак, таза, рыскалан лийза! Те мемнан ончыкылыкна улыда.
