+6 °С
Пылан
Все новости
Самырык тукым
27 Ӱярня , 12:32
27 март - Театрын тӱнямбал кечыже. Пӱртӱс, театр да йоча
Пӱрӧ районысо Кужнур школышто тунемше да «Виктория» театр студийыште шуралтше йоча-влак «Театральный серпантин-2026» муниципальный фестиваль-конкурсышто мастарлыкыштым ончыктышт. Мероприятий Силантьево селасе школышто эртыш.
Авторын фотожо.
Тудым творческий усталыкым шуараш, театр искусствым кумданрак шараш, эстетика шижмашым да актерла модмо моштымашым вияҥдаш полшышо «Школысо театр» проект почеш ямдылыме. Конкурсым тыгак Российысе калык-влакын икоян улмо да Башкортостаныште Татун илыше кугу ешын идалыкыштлан пӧлеклыме ыле. Тушко оласе да районысо кандаш школын усталык коллективше-влак ушненыт.
Мемнан школын ӱдыр-рвезыже-влак фестивальыште «Пӱртӱсым пырля арален кодена!» спектакль шотан постановкым модын ончыктышт. Конкурсышто Кужнур школын тунемшыже-влакым 3-шо вер дене палемдышт. Йоча-влаклан рольым тыршен модмыштлан да сай лектышлан, а организатор-влаклан нунылан усталыкыштым шуараш, кушкаш йӧным ыштымыштлан тауштена.
Новости партнеров