-23 °С
Пылан
Все новости
Самырык тукым
12 Кылме 2025, 12:22
Санкт-Петербург гыч Гран-при дене пӧртылын
2-4 ноябрьыште Санкт-Петербургышто йоча да самырык-влаклан «На берегах Невы» тӱнямбал усталык фестиваль-конкурс эртен. Тушто Москва, Владимир, Сочи, Ижевск, Новороссийск, Мурманск, Тверь олала, Камчатка край, Киров, Моско область гыч мийыше талантан ӱдыр-рвезе-влак «вокал», «сценическое искусство», «хореографий коллектив-влак», «театр мод», «цирковое искусство» да моло номинацийлаште мастарлыкыштым тергеныт. Тыгай кӱкшытан конкурсышто Нефтекамск олаште илыше Анастасия АКУБЕКОВАТ усталыкшым ончыктен.
А. Акубекова «На берегах Невы» тӱнямбал фестиваль-конкурсышто. Еш архив гыч налме фото.
Санкт-Петербург оласе сценыште тудо Д. Воскресенскийын «Любовь-вода» да А. Петряшеван «На планете любви» мурышт-влакым йоҥгалтарен. 1-ше классыште тунеммыж годсек мурымо мастарлыкшым таптымашын лектышыжат куандарыше - тӱнямбал конкурсын «Эстрадный вокал. 13-16 ияш-влак» номинацийыштыже талантан ӱдырым Гран-при дене палемденыт. Йоча искусство школышто Анастасиям педагог Л.В. Щербакова мураш туныкта, вуйлатыше семын конкурсланат тудак ямдылен.
Усталык шӱлышан ӱдыр 10-шо школышто тунемеш. Анастасия тыгай конкурслашке чӱчкыдын ушна. Тымарте тудо могай гына конкурсышто усталыкшым терген огыл!
А. Акубекова Санкт-Петербург оласе сценыште.
Тиде «Время лучших» Всероссийский кастинг-конкурс (Уфа), «Свободная птица» тӱнямбал муро конкурс (Москва, Казань), «Альянс талантов» Всероссийский фестиваль-конкурс (Уфа), «Голоса Урала» Всероссийский конкурс (Челябинск), эстрада мурын «Золотой петушок» Всероссийский телевизионный конкурсшо (Нижний Тагил) да молат.
Олаште шочын-кушшо талантан марий ӱдырын тукымвожшо Калтаса районышто тӱҥалтышым налеш - Людмила Ильинична аваже ден Эдуард Алексеевич ачаже, коваже-кочаже-влакат тувел кундемын шочшыжо улыт, а эше Краснохолмский селаште илыше Валентина Вострецова коважат мурен моштымо талантше да кумылжо дене ойыртемалтеш.
Награждений годым.
Новости партнеров