Йоча Сабантуй веселан эртыш

Рӱдерын кудывечыштыже тиде кечын тӱрлӧ интерактивный площадка, фотозона пашам ыштышт. Тушто кажне икшыве шкаланже келшыше занятийым муын - робототехника мастерскойышто, оҥай кидпаша мастер-класслаште шуаралтын, куштен, аттракционышто модын, квадроцикл дене коштын. Экшыкан тазалыкан икшыве-влакым мастарлыкышт дене оласе тӱрлӧ усталык коллектив-влак куандареныт, тиде «Premium» куштышо клуб, «Жасмин» эрвел куштымаш школын артистше-влак да молат. Могай пайрем пӧлек деч посна? Мороженый, книга, тамле сий, молыжат -  тыгайже тиде кечын ятырак ыле.