Самырык предприниматель-влакын форумышт эртен

Тудын пашашкыже 35 ийым темыдыме 300 самырык предприниматель, тыгак «Студенческий стартап» федерал грант конкурсын сеҥышыже-влак ушненыт. Форумышто нуно бизнесын, тудым вияҥдыме институтын еҥже-влак дене мутланеныт, паша опытыштым шымленыт, предпринимательствылан полшымо йӧн-влак дене палыме лийыныт. 

Кундемыштына бизнес пашам ворандарыше чолга ӱдыр-рвезе-влак дене Башкортостанын Вуйлыкшо Радий Хабиров вашлийын. Тудо самырык-влаклан туризм дене кылдалтше инвестпроектым илышыш шыҥдараш мландым налме, СВО-н участникше-влаклан бизнес пашам ворандарыме да моло нерген ойлен. Вашлиймаш деч вара БР Правительствын погынымашыштыже Радий Хабиров ола ден район администраций вуйлатыше-влаклан кок арня жапыште самырык предприниматель-влакын йодмашыштым лончылаш шӱден.