Оҥай экскурсий

Эр южышто весела зарядкым ыштат, вара тӱрлӧ мероприятийыште шуаралтыт. Тыште йоча-влак шудо дене эмлалташ, икымше полышым пуаш тунемыт. А.С. Пушкинын шочмыжлан 225 ий темме лӱмгечым пайремлышна, «Поле чудес», «Комический футбол» да моло модыш дене модына. Йоча-влакым школ столовыйышто кок гана тамле кочкыш дене сийлат.

Тиде кечылаште Пӱрӧ олаш экскурсийыш мийышна (снимкылаште). Йоча-влак историй музейыште тиде олан пикшызыже-влак нерген пален нальыч, интерактив программа почеш нунын ӱзгарышт да вургемышт дене палыме лийыч. Вара экзотика выставкыште тӱрлӧ янлыкым ончышт, кишке дене войзалтыч. Музей деч вара «Борцы революции» паркыш мийышна. Тыште смотровой площадка гыч Ош Виче вӱд серын сылне пӱртӱсшым ончышна. Пушка, пулемёт-влак нерген мутланышна, ола рӱдысӧ йоча площадкыште веселан модна. Шуко уым ужын, йоча-влак мӧҥгӧ куанен пӧртыльыч.