Вӱд дене модыктена

«Вӱдым чиялтена». Стаканыш вӱдым темыза да акварель чиям ешарыза. Вара чиян вӱдым икмыняр вошт койшо кленчаш пыштыза. Кленча-влакым вӱд дене темыза да таҥастарыза, кушто вӱд йӱд, а кушто волгыдо тӱсан лийын.

«Изи колызо». Тыгыде модыш-влакым таз вӱдыш пыштыза. Тиде кол лиеш. Йочалан шоктем кучыктыза. Тек тудо шокте дене колым «куча».

«Висаш тунемына». Кок атым налза. Кугытышт тӱрлӧ лийже. Изирак ате дене кошталын, кугуракшым вӱд дене темаш йодса.

«Модышым кычалына». Икмыняр модышым вӱдыш пыштыза. Вара йочан шинчажым шовыч дене петырыза. Йоча кид шӱм дене мумо модышым палышаш.

«Нӧлталалтеш але пурен кая?». Кагаз, пасма, пу, пластмасс, кӱртньӧ гыч ыштыме модышым але арверым налза. Йочалан нуным поче-поче вӱдыш колташ кӱштыза. Тек тудо шымла: нуно вӱд ӱмбак нӧлталатыт але пурен каят?

Вӱд дене модын, йоча нӧра, кылма, вара черлана манын, ятыр ава-ача тудым вӱд воктеч кораҥдаш тырша. Туге гынат могай йоча вӱд дене модаш огеш йӧрате? Вӱд йочам шуара, лыпландара, эмла, куандара. Телефоным ниялткален шинчымеш, тек нуно изишак вӱдым кучылтыт да, шымлымашым ыштен, шкаланышт уым почыт.