Акций годым самырык-влак тӱҥ паша верым але тунемме кокласе яра жапыште ышташ пашам муын кертыт. 16 - 35 ияш самырык-влаклан паша верым «Башкирская электросетевая компания» АО, «ПОЛИЭФ» АО, «УАП «Гидравлика» АО, республикысе кардиорӱдер, «РН-Транспорт» ООО, «ОЗНА» компаний, «Метта» ООО да моло компаний темлат. Олала ден районлаште паша вакансий ярмиҥга-влакым кушто да кунам эртарыме нерген уверым муниципалитетласе Паша верым муаш полшышо рӱдер-влакын сайтыштышт ончалаш лиеш, увертара БР Еш, паша да калыкым социально аралыше министерство.