Тыгай мероприятий начар тазалыкан икшыве-влаклан тӱрлӧ усталыкыштым шуараш полша, коллективысе моло ӱдыр-рвезе-влак дене вашкылым ышташ тунемаш йӧным кумдаҥда. Реабилитаций рӱдерыште шуаралтше йоча-влаклан тиде кечын оҥай интерактивный площадка-влак пашам ыштышт. Тушто нуно сӱретлышт, оҥай поделкым ямдылышт, тамле пряникым роспись дене сӧрастарышт. Нунылан тыгак «Торос» хоккей клубын еҥже-влак спорт таҥасымашым, палыме художник А.Ф. Усманов натюрмортым сӱретлаш туныктымо мастер-классым эртарышт. Пайремыште кажне икшыве чонжылан келшыше занятийым ойырен кертын. Йоча-влакын шыргыжмашышт, куан кумылышт - мыланна тӱҥ пӧлек.