Йырысе кумдыкым тӱзаташ грантым сеҥен налыныт

2020 ийыште «Октава» вуеш шудымо икшыве-влакын клуб ушемыштышт самырык-влак дене ыштыме пашалан вуйын шогышо специалист-влак «iВолга 2020» Всероссийский форумышто усталыкыштым тергеныт. Тушто нуно, «Олам сылнештаре» проектым арален, грантым сеҥен налыныт.

Тарватыме сомылыштым волонтер да клубын пашаеҥже-влак тений 11 январь годсек илышыш шыҥдарат: зданий-влак пеленсе саварым граффити йӧн дене оҥай арт-объектыш савырат. Тӱзатен сӧрастараш Нефтекамск оласе психоневрологий, наркологий диспансер-влак, тыгак «Торпедо» стадион йырысе кумдыкым ойырен налме. Тидлан ме ончылгоч «Олам сӧрастаре» конкурсым увертаренна ыле. Тушто «#роднойНефтекамск», «Эко-плакат», «Самырык-влак да спорт», «Врач-влаклан тауштена!» номинацийлаште эн сай эскиз-влакым ойырен нална. Тыгеракын ола уремысе пырдыжлаште кечан вӱд сер, Волгыдо ер, врач-влакым чапландарыше сӱрет-влак шочыныт. Савар-влакым «Октава» клуб ушемын волонтержо, стрит-арт художник, студент-влак сӧрастарат.

«Олам сылнештаре» проектым И.Н. Кузнецова вуйлата. Тудым илышыш шыҥдараш тыгак Приволжский федерал округысо граждан обществын институтшо-влакым вияҥдаш полшышо фонд йӧным ышта.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».