Эльбрусыш кӱзеныт

Ардаш ял рвезе Андрей Рушингин путешествоватлаш, мотор вер-шӧрлам ужын кошташ йӧрата. Иремель курыкышто, Челябинск областьысе «Таганай» паркыште, Алтайыште да моло верлаште лийын. Тений июнь мучаште шукертак шонен коштмыжым илышыш шыҥдарен кертын - Эльбрусыш кӱзен. Тушко Уфа гыч инструктор дене пырля кок рвезе да ик ӱдырамаш каеныт. Тыге ныл еҥ, нунын коклаште Андрей Рушингинат, Эльбрус курыкын эрвелне, 5621 метр кӱкшытыштӧ верланыше кӱкшакашкыже кӱзеныт.

«Чумыр экспедиций кандаш кече шуйныш. Шым кече акклиматизацийым эртышна, кандашымшыжлан кӱкшакам «нална». Ме йӱдвел могырым ошкылна, тушто тӱрлӧ инфраструктур шагалрак, маршрутшат нелырак, но вер-шӧржӧ пеш ямле.

Чылажат сайын эртыш. Курыкыш тарваныме кечын игече сай ыле, эн кӱшыл точкышто гына виян мардеж витарен пуыш. Мыланна кӱзен шуаш кандаш шагатат пеле кӱльӧ, а мӧҥгешла кок шагатат пелыште волышна. Пеленем шкенан Мишкан районын флагшым налынам ыле. Эльбрусышто тудым кучен возалтме фотоэмат уло. Палымем да Ардаш ялысе йолташем-влак шонымашемым кузе шуктен кертмым эскереныт. Ӱшаныштым сулышым - районнан флагше Эльбрус ӱмбалне лойгалте», - каласкала Андрей.

Андрей школышто тунеммыж годымак Россий Федерацийын да Европын эн кӱшыл точкышкыжо, Эльбрусыш, кӱзаш шонен пыштен. Ардаш кыдалаш школын туныктышыжо Б.Б. Айгузин географий уроклаште да турист кружокышто сай шинчымашым да моштымашым пуэн. Рвезылан чылажат кӱлеш лийын, кугемме семын шинчымашыжым пойдарен толын. Кызыт тидлан туныктышыжлан кугу таум ойла.

А. Рушингинын пашажат элым ужын коштмо дене кылдалтын, манаш лиеш. Телым Ямалыште сейсморазведкыште, кеҥежым Уфасе турклубышто инструкторлан пашам ышта: каныш кечылаште турист-влакым походыш кондыштара, Юрюзань, Ай, Уфимка, Ош Виче эҥерла дене катамаран дене ийын волат.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Об использовании персональных данных

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».