Сӱрет конкурсым иктешлышна

"Башкортостан Республикылан 100 ий темме вашеш 100 объект" программе почеш Марий историй да тӱвыра рӱдерын пöртшым уэмдыме лӱмеш йоча-влак коклаште телымак «Шерге марий калыкем» сӱрет конкурсым увертаренна ыле. Капитально ачалыме сомылым план почеш шошо мучашлан пытарен, икымше июньышто тӱвыра рӱдер омсажым почшаш ыле. Тудо кечынак сӱрет конкурсышто сеҥыше-влакым саламлаш да диплом ден пöлекым кучыкташ шоненна. Но тӱрлö амаллан кöра (Карантин шке сомылжым шуктен.), чоҥымаш паша кызытат кая, эсогыл кеҥеж гочланат сита…

Туге гынат, рӱдерна почылтеш манын ӱшанена да самырык сӱретче-влаклан сулен налме пöлекыштым калык ончылно кучыктена. Эн мотор сӱрет-влак Марий историй да тӱвыра рӱдерын фойежым сöрастараш тӱҥалыт. Йоча-влакым аралыме тӱнямбал кече вашеш «ВКонтакте» соцлаштыкыште сеҥышыш лекше-влакын лӱмыштым да нунын пашаштым посна альбомеш вераҥденна.

Конкурсыш колтымо 71 паша гыч 16-шо сеҥышыш лектыныт. Шым-индеш ияш-влак коклаште вер тыге радамлалтын: 1-ше вер - Н. Николаева («Марий калык пайрем-влак»), 2-шо вер - Т. Иванова («Юмынӱдыр»), М. Андреев («Кӱслезе»), 3-шо вер - О. Саметова («Оръеҥ вате»), А. Дмитриева («Кугезе мланде»), А. Иркабаева «Унам вашлиймаш». Лу-латкок ияш-влак коклаште 1-ше верым В. Баймурзина («Кушталташ йодеш чонемже»), 2-шо верым П. Каншаев («Марий калыкем») ден А. Михайлова («Шерге марий калыкем»), 3-шо верым В. Аликаева («Шочмо кундемын семже»), А. Рогозина («Ӱярня пайрем») да А. Ахметьянова («Изи шӱвырзö») айленыт. Латкум-латвич ияш-влак коклаште сеҥымаш тошкалтыш тыгела верланен: 1-ше вер - З. Сулейманова («Кумалтыш»), 2-шо вер - Р. Халисова («Марий ӱдыр Айвика»), 3-шо вер - А. Шакмаева «Тӱрлызö» ден Я. Гарифуллина («Калык сем»).

Моло сӱрет-влакым Марий историй да тӱвыра рӱдерын тӱшкаштыже (https://vk.com/album-135751820_239291101) ончалаш лиеш.

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».