+8 °С
Пылан
Чолман в ВК
DZEN
Чолман Telegram
Чолман в ОК
Все новости
Самырык тукым
10 Пургыж 2020, 16:58
КВН конкурсышто таҥасеныт
Кумшо февральыште Краснокам районысо Николо-Березовка селаште республикысе «Безопасная дорога детства» КВН конкурсым эртареныт. Тушто Нефтекамск, Агидель, Дӧртыльӧ олала, Краснокам, Илиш, Татышле да Калтаса районласе школлаште тунемше-влак корнышто коштмо правилым палыме шотышто шинчымашыштым тергеныт.
Команде-влак «Саламлалтмаш», «Фристайл», «Тӱҥалше водитель-влаклан тест-драйв» конкурслаште, «Кузе ГИБДД инспектор лияш?» капитан-влак конкурсышто ӱчашеныт. Ола-влак коклаште Гран-прим Нефтекамск олан «Лица Лицея», икымше верым Агидель олан, кокымшо верым Дӧртыльӧ олан командыже, район-влак коклаште гран-прим Татышле районын «Не тормози» командыже, икымше верым Краснокам районын, кокымшо верым Илиш районын, кумшо верым Калтаса районын командышт сеҥен налыныт. Республикысе КВН конкурсын зональный таҥасымаштыже сеҥыше команде-влак финалыште март тылзыште таҥасаш тӱҥалыт, увертара БР МВД-н ГИБДД управленийже.
БР МВД-н ГИБДД управленийын сайтше гыч налме фото.
Читайте нас: