«Шӧртньӧ шыже» таҥасымашке чумыргеныт

Спорт ориентирований дене таҥасымашыште районысо латик спорт команде - йоча да самырык-влаклан «Путник» туризм рӱдерын, Кӱрзе, Кемий, Изи Накаряк, Чорай, Пӱрӧмучаш, Ирсай, Монар, Нерге ялласе школлан, Мишкан селасе кокымшо школын, Мишкан селасе икымше лицейыште тунемше ӱдыр-рвезе-влак - вийыштым тергеныт. Таҥасымаш-влакым ныл ийгот тӱшкалан шеледен эртареныт. 12 ияш марте ийгот тӱшкаште 1-ше верым Монар, 2-шо верым Кугу Соказа, 3-шо верым Мишкан селасе кокымшо школын тунемшыже-влак налыныт. 14 ияш марте ийгот тӱшкаште 1-ше верыш Кӱрзе, 2-шо верыш Ирсай, 3-шо верыш Чорай школын ӱдыр-рвезыже-влак лектыныт. 16 ияш марте йоча-влак коклаште, Изи Накаряк ден Ирсай школын тунемшыже-влакым ончылтен, Мишкан селасе 2-шо школын тунемшыже-влак эн писе улмыштым ончыктеныт. Латкандаш ияш марте ийгот тӱшкаште 1-ше верым Мишкан селасе 2-шо школын, 2-шо верым Мишкан селасе икымше лицейын, 3-шо верым Ирсай школын тунемшыже-влак налыныт. Сеҥыше-влакым образований район пӧлкан грамотыж дене палемдыме.