Нуным йылме, тӱвыра ойыртем иквере чумыра

Тудо тений 16 гыч 21 октябрь марте Моско областьыште эрта. Лагерьын программыже моткоч поян да пайдале лияш сӧра. Тиде пашаште, илышыште сай кӱкшытыш шушо оҥай еҥ - политик, мер пашаеҥ, артист, музыкант, писатель-влак - дене вашлиймаш, актер мастарлыклан, тыгак калык ончылно сай ойлаш туныктымо мастер-класс, деловой модыш, экскурсий, спорт таҥасымаш да молат. Ӱдыр-рвезе-влак кумдан палыме режиссер, продюсер, оператор-влакын вуйлатымышт почеш социальный роликым ямдылаш тӱҥалыт. А кастене нуно моло кундемла гыч мийыше йолташыштым калык муро, куштымаш гоч шочмо калыкыштын тӱвырашт дене палдарат.