Таҥасымаш гыч кок кубокым конденыт

Шола гыч: Елизавета ден Дана Сайсановмыт. Еш архив гыч налме фото.

Ӱдыр-влак коктынат спорт дене кылым кучат - нылымше ий спорт туризм дене заниматлат. Нуно чӱчкыдын шкем тӱрлӧ таҥасымашыште шуарат, ончыл верлам наледат. Мутлан, тений июль мучаште Пермь крайыште спорт ориентирований дене эртыше «Пермский период» Всероссийский таҥасымашыште вийыштым тергеныт. Тушто ӱдыр-влак «кросс-лонг» дисциплиныште коктынат кумшо, лийыныт, а Лиза эше «кросс-гандикап» дистанцийыште кумшо, «кросс-эстафета» таҥасымашыште кокымшо верыш лектын.

10-11 августышто Лиза ден Дана Бирск районысо пӱнчеран «Колибри» ден «Золотой фазан» каныме базылаште спорт ориентирований дене туныктышо, тренер А.В. Храмовым шарныме лӱмеш Бирск олан да районын VII виш первенствыштыже усталыкыштым ончыктеныт. Таҥасымаште ӱдыр-влак школын «Ориента» командыжын чапшым араленыт. Чумыр лектыш почеш личный первенствыште Лиза икымше (латныл ияш марте ийгот тӱшкаште), Дана кокымшо верым (латныл ияш марте ийгот тӱшкаште) сеҥен налыныт. Мӧҥгышт ӱдыр-влак кок кубок, кок Чап грамот да кок медаль дене пӧртылыныт. Дана ден Лизам август мучаште Аургаза районышто эртышаш таҥасымаш-влак вучат.