Тунеммаштат, ГТО-штат "шӧртньым" налын

Марий-руш (Аваже, Ангелина Николаевна, - Калтаса район Калмаш ялын шочшыжо. Тиде школыштак физкультурым туныкта.) ешыште шочын-кушшо рвезе школын химий да биологий профилян классшым тений шӧртньӧ медаль дене тунем лектын. Базовый предмет семын выпускной экзаменлан математикым ойырен. Предмет куштылго огыл гынат, тудым «визытанлан» сдатлен. Моло кум предмет денат школышто кӱкшӧ баллым - руш йылме дене 82, химий дене 80, биологий дене 77 баллым - поген. Тидыжак рвезылан вузыш тунемаш пураш сай негызым ыштен. Ангелина Николаевнан мутшо гыч, школым медаль дене тунем лекше-влаклан палемдыме вузышто ешартыш кум баллым пуат. Никита спорт денат пеҥгыде кылым куча. «Готов к труду и обороне!» Всероссийский физкультур да спорт комплексын нормативше-влакым «шӧртньӧ» значоклан сдатлен. А тидлан вузыш тунемаш пурымо годым - эше ик балл! Рвезе, тунем лектын, сай врач лийнеже. Тек шонымашыже шукталтеш!