Йолташ-влак дене пырля каналташат, модашат оҥайрак

Кажне кугурак икшыве кеҥеж канышым чытен-чытыде вуча. Школыш коштшаш укелан верч веле огыл, утларакше шер теммеш яндар южышто лияш, ача-авалан полышкалаш, канаш лиймылан кӧра. Ола да ял деч ӧрдыжтӧ верланыше йоча лагерьлаште каналташ кумылан-влакат шагал огытыл. Кызыт Мишкан районышто тыгай лагерь икте гына кодын - тиде Кульчубай ял воктене верланыше «Старт» спорт да тазалыкым шуарыме лагерь.