Самырыкнек сареш вуйжым пыштен

26 апрельыште шочмо калыкна Марий талешке кечым палемда. Акпатыр, Чумбылат, Полтыш, Онар, Чоткар да молат историеш калыкын тале, шке калыкышт нерген шонен илыше патыр семын шарнаш кодыныт. Нуно калыкым тушман деч араленыт, волгыдо илыш корным ончыктеныт. Кызытат нунын корныштым шуйышо самырык тукым йомын манаш ок лий. Тачысе саманыштат нунын гаяк чолга койыш-шоктышан, лӱддымӧ, поро чонан, айдемым туткар гыч утараш, Шочмо Элым тушман деч арален кодашлан шке илышым пуаш ямде, илышыште шке лӱмыштым кӱшнӧ кучышо самырык ӱдыр-рвезе-влак улыт.

Латиндеш ияш Юрий Абдреев Грозный олан Старопромысловский районыштыжо тале кредалмаш годым вуйжым пыштен.

Тудо 1980 ий 19 июньышто Шаран районысо Биктыш ялыште шочын. Армий деч ончыч Акпарс кыдалаш школышто шинчымашым поген, вара Шаран селасе СПТУ-што каменщик, тракторист да водительлан тунем лектын. Пашалан писе, шаяркалаш йӧратыше, чын верч шогышо лийын, ондалкалыше еҥым чытен кертын огыл.

Рвезе 1998 ий 20 ноябрьыште Шаран военкомат гыч армийыш каен. Служитлаш огыл манын, тӱрлӧ амалым муын шылаш ушыштыжат лийын огыл. Юра умылен, кажне рвезе шке элже ончылно порысшым шуктышаш. Тудо Ковров олаште военный подготовкым эртен, тушечын Буденовск олашке кусареныт. Кажне кечын марш-бросок, лӱйкалымаш… 1999 ий 1 июнь гыч Чечняште служитлен.

Рядовой Юрий Абдреев самоходный зенитно-артиллерийский установкын механик-водительже лийын. Грозный ола верч кредалмаште Юрийын экипажше пырля засадыш логалше-влакым шке тулжо дене арален. Тушманын миномет тулжо лачак тудын самоходный установкышкыжо логалын. Самырык салтакым нелын сусыртен, оҥ пелен аралыме военный билетшымат шӱтен. Тыге 2000 ий 5 январьыште Юрий Абдреев ӱмыр лугыч лийын. Но тудо салтакын тӱҥ сомылжым шуктен - шке илышыжым чаманыде, шӱдӧ дене йолташыжын илышыжым арален коден.

Юрам колымыж деч вара Мужество орден дене наградитленыт. Геройым шочмо Биктыш ялысе шӱгарлаш тойымо. Акпарс школын музейыштыже патырлан лӱмын верым ойырымо. Тушто салтакын серышыже, документше, картычкыже-влак аралалтыт. Школ пырдыжеш мемориал оҥам пижыктыме. Школышто эртарыме тӱрлӧ мероприятийлаш Юран аважым эре ӱжыт, а ачажын ош тӱня дене чеверласымыжлан индеш ий эртыш. Шаран профтехучилищыштат геройым огыт мондо, кажне ийын аважым саламлаш толыт. «Пеш кугу тау эргым ушештарен илымыштлан», - манеш Меҥайбика Гареевна.

Мӱндыр Чечняште Юрий Абдреев достойно служитлен, шке чапшым волтен огыл, ача-аважым, йолташыже-влакым намысыш пуртен огыл, подвигше кужу жаплан шарнаш кодеш. Геройын лӱмжым «Книга памяти военнослужащих Вооруженных Сил Российской Федерации, погибших в ходе проведения контртеррористических операций на территории Северо-Кавказского региона Российской Федерации (1990-2012 годы)» шарнымаш книгаш возымо.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».