Йолташ - илыш эҥертыш

Мыйын Сергей йолташем Бирск олаште ила. Ме тудын дене изи годсек келшена. Кеҥеж але теле каныш годым Сергей мемнан деке унала толын коштеш. Ме пырля модына, жапым пайдалын эртарена.

Сергей кудымшо классыште шинчымашым пога. «Визытанлан» гына тунемеш, спортлан шӱман. Эн йӧратыме модышыжо - футбол. Тудым классыштыже чылан пагалат, вет тудо пырля тунемше-влакланат полшаш тырша.

Келшымаш могай лийшаш нерген мый книгалаште шуко лудынам. Теве «Атаманыч» повестьыште Миша ден Нинан келшен илымышт, икте-весылан полшымышт нерген возалтеш. Сергей йолташем мыланем ойлен ыле: «Вес еҥлан поро пашам ыште, вара тыланетат полшат». Мыйын йолташем аважлан полшаш йӧрата: кӱмыж-совлам мушкеш, пӧрт кӱварым ӱштеш.

Мый Сергейым чын йолташлан шотлем. Мыйын шонымаште, чыла еҥынат йолташыже лийшаш, тыге илашат куштылгырак да веселарак.

Иван ПЕТРОВ, 7 класс.
Чорай селасе Яныш Ялкайн лӱмеш марий гимназийын тунемшыже-влак.
Мишкан район.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».