Ушкал ден чаҥа

Йомак

Тиде ожно лийын. Тулеч вара ушкал ден чаҥа кугу йолташ улыт. Кузе тыге лиеш, маныда? Ушкал - кугу суртвольык, а чаҥа - тыште да тушто чоҥештылше эрыкан кайык.

А теве лудса, кузежым каласкалем.

Пеш чот пелтыше ик кеҥеж кечын изи чашкер гыч кайык чогыматыме йӱк шоктен. Тиде изи чаҥа-влак пушеҥге йымалан пижын шинчыныт улмаш. Авашт нунын йыр пӧрдын, но нигузе утарен кертын огыл.

Йырым-йыр ончалын да олыкышто коштшо кӱтӱм ужылалтен. Ава кайык йошкар тӱсан, шем тӱкан, кугу водаран ушкал деке лишемын да йодын:

- Пошкудем, йолташем, акаем! Полшо мыланем. Игем-влак, шокшо игече деч шылшыла, кукшо пушеҥге йымалан пижын шинчыныт.

- Могай мый тыланет ака, пошкудо да йолташ улам? Ончал, мый могай кугу улам, а тый?.. - вашештен ушкал.

А изи чолга чаҥа тидланат вашмутым муын:

- Полшо, мыят тыланет иктаж-кунам кӱлеш лиям. Изи улмемым ит ончо.

- Мо дене тый мыланем полшен кертат?! А-а, садак тыште шудым кочкын ончышым. Айда каена, памаш воктен шудо нӧргырак лийшаш, - пелештен ушкал. А вара коктын чашкер могырыш ошкылыныт.

Ушкал пеҥгыде кугу тӱкыж дене пушеҥгым тарватен да изи кайыкиге-влакым утарен.

Шыже шуын. Телат эртен. Тиде историй мондалтын.

Шошым игече левыктен, кайык-влак чоҥештен толыныт. Лум шулен. Озавате суртвольыкым оралтыш луктын. Ушкал пеш йӧсланен - тупшо пеш чот лӱгыштен. Почшо дене рӱзалташ тӧчен, но арам веле. Тиде жапыште саде изи чаҥа чоҥештен толын да пелештен:

- Ончем-ончемат, акаем, тыланет полыш кӱлеш. Теве мыят тыланет кӱлеш лийым. Шып шого, мый тупет гыч уто межым налам да пыжашым оптем.

А вет чынак, ончалза шошым оралтышке! Мый шкежат чаҥан ушкал туп гыч теле мучко погынышо межым кӱрыштмыжым ик гана веле огыл ужынам. Да вет ушкалжат шып гына шога. Теве тыге нуно икте-весылан таче мартеат полшат. Вет арамлан огыл калык ойла: «Ваш-ваш эҥертыде илаш ок лий».

Юлианна ЧАПЛЫГИНА, 3 класс.
Чорай селасе Яныш Ялкайн лӱмеш марий гимназийын тунемшыже-влак.
Мишкан район.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».