«Нелегал - 2021» операцийым иктешленыт

Операцийым эртарыме жапыште Россий МВД-н Нефтекамск оласе миграций йодыш шотышто пӧлкажын пашаеҥже-влак Россий Федерацийын миграций законодательствыжым пудыртымо латкум фактым верештыныт. Тушеч куд случайже (2 - Узбекистанын, 3 - Вьетнамын, 1 - Азербайджанын гражданже-влак) Российыш илаш толмо правилым пудыртымо, тыште илыме режимым шуктыдымо, ик случайже Узбекистан Республикын гражданинжын Россий Федерацийыште пашам закондымын шуктымыжо, кок случайже йот элын але гражданствыдыме еҥым Российыште закондымын пашам ыштыктыме, ныл фактше йот элын гражданинже але гражданствыдыме-влакын Россий Федерацийыште илыме правилым пудыртымышт дене кылдалтыныт. 

Миграций пӧлкан пашаеҥже-влак тыгак верысе судын ондак лукмо пунчалжым шуктыдымо Узбекистан Республикын гражданинжым верештыныт. Нефтекамск оласе суд тудым  эл гыч колташ пунчалым луктын. Судын постановленийже вийым налмеш, тиде еҥым йот эл граждан-влаклан жаплан илаш йӧнештарыме рӱдерыш вераҥдыме. 

Россий МВД-н Нефтекамск оласе миграций йодыш шотышто пӧлкаже калыкым, тыгак Нефтекамск ола округышто илыше йот элласе граждан-влакым миграций законодательствым пудыртымо деч шекланаш шӱда.