«Госуслуги» лӱм дене ондален кертыт

1. Палыдыме адресат деч толшо серыш кеч-кунамат шекландарышаш. «Госуслуги» шке серышыже-влакым эре [email protected]. адрес гыч колтылеш.
2. «Госуслуги» деч толшо серыш Интернет-порталысе личный кабинетыштат коеш. Тидым тергаш неле огыл.
3. Умбакыже кушко «каяш» темлыме ссылкымат тергаш кӱлеш. Копироватлен налын, браузерыш шындыза - тушто  gosuslugi.ru. манын возымо лекшаш. Серышлан огыда ӱшане гын, ссылке почеш умбакыже куснаш ок кӱл.
4. «Госуслуги» порталын официальный ссылкыже-влак тӱҥ шотышто увер сынан улыт, тушто нигунам тендан СНИЛС-дам але банк реквизитдам возен кодаш огыт темле.
5. Фишинговый рассылкыште ончыктымо ссылке почеш «каенда» гын, шкендан логин ден парольым возен, кушто авторизоватлалтмым рашемдаш кӱлеш. «Госуслуги» порталыште - тиде esia.gosuslugi.ru. Тендан логин ден парольым возен шуктымо деч ончычак иктаж тӱлымӧ реквизитым ешараш йодыт гын, нигунам ида возо.

Цифровой вияҥмаш, связь да массовый коммуникаций министерство www.gosuslugi.ru. доменный лӱмлан ушагыше лӱман ресурс-влакым эреак мониторитлен шога. Иктешлен аклыме почеш южыштым блокироватлат, молыштым закон дене келшыдыме пашаштым пален налмеш эскерат.