Коррупций кумданрак шарлен

Коррупций озаланыме шотышто Башкортостан ден Татарстан республика-влак ончыл верым налыт, увертара REGNUM увер агентство. Тыгак, специалист-влакын эскерымышт почеш, чиновник-влак ешыште фиктивный ойырлымашым чӱчкыдынрак палемдат. Тыге нунын йот элыште улшо погышт экс-пелашыштлан кусна. Башкирийыште тыгай 843, Татарийыште 729 преступленийым верештме», - рашемда изданий. РФ Приволжский федерал округын федерал инспекторжо А. Пономаревын палемдымыж почеш, нине кундемлаште, эртыше ий дене таҥастарымаште, тений коррупций шотышто тергымашым кок гана шукырак (1300) эртарыме, 1500 утла должностной лицам мут кучаш шогалтыме, ӱшаным йомдарымылан кӧра 93 еҥым паша гыч кораҥдыме. Эн чот коррумпированныйлан госзакупка, ЖКХ, чоҥымо сфера-влак шотлалтыт.