А те налогым тӱленда?

Налогым тӱлаш кӱлмӧ нерген РФ Конституцийын 57-ше статьяштыже возалтын. Шарныман, налогым жапыштыже тӱлыдымӧ-влаклан эше штрафым, пеним ешарат, суд гоч виеш тӱлыктен кертыт.

Башкортостаныште чумыр ончымаште 2018 ий 1 октябрьлан физический лица-влакын погыштлан 1 миллиард 896 миллион теҥге налогым тӱлымӧ огыл. Тушеч 1,3 миллиард теҥгеже (65 процент) - транспорт налог.

Южо еҥ налогым огеш тӱлӧ - льготыжо уло. Но, тыгай правада уло гын, налог органыш миен, йодмашым возыман але почто гоч, Россий ФНС-ын сайтыштыже личный кабинет гоч электрон серышым колтыман, МФЦ гоч увертарыман, тыгай права улмым документ дене пеҥгыдемдыман. Вер гыч верыш кусараш лийдыме погыда икте веле огыл гын, кудыжын шотышто льгот але вычет дене пайдаланаш кӱлмым ончыктыман. Тидым ышталтын огыл гын, кугурак налогым тӱлышаш объектшылан льготым пуат.

Налогым банкыште але почтышто, тӱлымӧ терминал гоч да онлайн-режимыште, Россий ФНС-ын сайтыштыже (www.nalog.ru) личный кабинет да «Налогым тӱлӧ» интернет-сервис гоч тӱлаш лиеш.