Медицина полышым пуэн огытыл

Оласе прокуратурын верысе калыкын тазалыкшым аралыме шотышто законодательствым шуктымым тергыме деч вара пале лийын: кум ияш изи йоча вуйжым эмгатымылан кӧра аваж дене пырля Нефтекамск оласе рӱдӧ больницын приемный покой пӧлкашкыже логалын. Ава ден икшыве врачын толмыжым кок шагат наре арам вученыт. Олан прокуратурыжо неврологым икшывын праважым пудыртымыжлан мутым кучаш пунчалын.

А. НАДЕЖКИН, Нефтекамск олан прокуроржо, юстиций советник.