Все новости
Закон кышкарыште
25 Сентябрьыште 2018, 18:01

Браконьер шкежат «вапшыш» верештын

Нефтекамск оласе мировой судья тиде олаштак илыше 46 ияш пӧръеҥлан РФ Уголовный Кодексын 256-шо статьяж почеш титаклыме пунчалым луктын. Пӧръеҥ тений май тылзыште, законым пудыртен, Карман водохранилищыште 25 метр кужытан вапшым вераҥден да 19 колым да 2 ракым кучен. Тыге Башкортостан Республикысе йырысе вер-шӧрлан да вӱдысӧ биологий ресурслан 13 359 тӱжемаш эҥгекым конден. Пӧръеҥ тиде оксам шке кумылын пӧртылтен.

Суд браконьерлан осал пашам ыштымыжлан 5 тӱжем теҥге штрафым тӱлаш, преступленийым ыштыме ӱзгаржым - вапшым, садокым да резина материал гыч ыштыме колызын вургемжым - пытараш шӱден.

34 ияш вес пӧръеҥ, тиде водохранилищыштак вапшым шынден, 16 колым кучен, пӱртӱслан 7 тӱжем теҥге утла эҥгекым конден. Оксам тӱрыснек пӧртылтен. Суд тудлан 8 тылзе исправительный пашам ышташ, пашадарже гыч 5% парышыжым кугыжанышлан кучен кодаш пунчалым луктын, а колызын вургемжым да ӱзгаржым поген налын.

А. НАДЕЖКИН, Нефтекамск олан прокуроржо, юстиций советник.
Читайте нас: