«Ужаргыже - салатлан»

«ЧОЛМАН» ГАЗЕТЫМ МАX-ЫШТЕ ЛУДЫНА!

Тыгай годым мом ышташ? Шке кудыштет, пачерыштет лият гын, шинчат да кочкын налат. Тораштырак лият гын, буфетым, кафем, столовыйым кычалман. Кӱсеныште шийвундо шукырак гын, ресторанымат от шӱкал…

Мый «современный» лӱм дене возымо столовыйыш пурен кайышым. Тыште-тушто ик-кок еҥ веле шинча. Подносым нальымат, эркын гына «Таче мо дене куандарат?» шонен, ончышт ошкылам…

Кенета шинчамлан сово кугытан вичкыж котлет койын кодо. Мо тыгай? Налын ончышаш-ян.

Пелашем мылам южгунам «Тый умшатым кайыркалаш йӧратет» манын ойла. «Тугеже, чечас кайыркален ончем» шонкалем семынем. 

- Сай улыда! Мом налнеда?

- Пареҥге немырым, - ышталам.

- А тудын воктеке иктаж-мом пышташ?

- Пышташ. Влажный салфеткым пыштыза.

- Могай салфеткым?

- «Влажный салфетка» манмым. Теве тыште кия (Ончыктем.) 

- Тиде чыве шыл гыч ыштыме котлетыс! 

- А шӱргеш йыгалташ гын, чыла ӱян лиеш вет, садлан - «влажный салфетка»!

…Тиде жапыште воктекем иктаж нылле ийым поктышо ӱдырамаш толын шогале. А мый эркын гына кассыш «нушкам». 

Повар вате пурышо ӱдырамашлан:

- Сай улыда! Вара, ӱдырда-влак кугемыт?

Мый тудо вате олмеш:

- Кугемыт, теве «Марлан кайынена» маныт.

Мый окна лишке миен шуым. Шинчамлан уремыште контейнер-влак койылалтышт. Чыла ужар контейнер шога…

- Тыланда контейнерыш пышташ? - повар пурышо ӱдырамаш деч йодеш.

- Контейнерже салатлан гына кодын вет. Ужар контейнер. Макарон ден вермишель контейнерже тыште ок кой, - окнаш ончыктен манам. Нунат окнаш ончал колтышт. - Салатым налыда гын, налын пурташ ала? Тольык изиш вучалтыза, чечас пуртем. 

- Ок кӱл. Пеш весела чӱчӱ улыда улмаш, - шоктыш пылышемлан… 

Пагалыме лудшына-влак, ВК ден Одноклассники соцлаштыклаште вераҥдыме уверым каҥашаш ушнаш ӱжына!