Самырык кумылан коча

«Пенсийым налыныт дыр», - шоналтышым семынем. 

Лу, лучко минут шогем, черетем ончыко огешак кай. Шижам, мыйын ончылно шогышо кочат ноен: ик йол гыч весыш тошкыштеш. 

- Те тыште шаҥгысек шогеда, ноенда, коеш? - шып гына йодым.

- Ӱдырем, тышке пурымем годым самырык ыльым, а кызыт шкат ужат… - вашештыш. 

Вашмутым колын, йӱкынак воштыл колтышым. Шкеже шоҥго гынат, кумылжо самырык улмаш!