«Ворым» кучышым

Мыскара ӱмырым шуяВоштылчык кече вашеш редакций ий еда газетыш мыскарам возгалыше автор-влак коклаште «Ший пера» конкурсым иктешла. Тыглай илышыште мыскарам ужын да моло-влакланат тидын нерген оҥайын каласкален моштышо лудшына-влак шагал огытыл. Тений мыскараче автор-влак коклаште Караидель район Ӱткӱстӧ ял гыч Д.П. Аплекаева сеҥышыш лекте. Дуся Павловналан ончыкыжымат мыскара шӱлышым арален кодаш, поро кумылан лияш тыланена. Перада тыгаяк пӱсӧ лийже!***Икана кечывалым урем дене ошкылам. Мемнан уремна пеш кужу огыл - ик мучаш гыч весыш кӧ мом ыштыме чыла коеш. Ала-молан уремыште иктат уке. Чыве ден комбо-влакат ала-кушко каен пытеныт. Кызытсе жапыште уремыште йоча-влакын юарлымыштымат от кол: телефоныштым кучен шинчынытат, тӱрлӧ модыш дене модыт докан. Адакшым ялыште йочажат шагал.

Ошкылам урем дене, чыла вере ончыштын каем. Корнышто асфальт уке гынат, пӧрт воктене чаткан гына солен шындыме. Солымо шудым поген налынытат, урем моторын коеш. Осып ватын капка йымачше шем пий кудал лекмым мӱндырчак ужым - умшаштыже ош чыве коеш. Урем дене писын кудал эртышат, Микалян суртысо капка йымак пурен кайыш.

Мемнан ялыште вор уке, пӧрт омсашат яра сурам веле кодат. Шолышташат нимом, магазиныш мо кӱлешым конден шогат. Теве, шонем, ик «ворым» кучемак. Пий осал пашалан ынже тунем. Осып вате деке пурышым, тудо чыве-влакым пукшен шога ыле.

- Пайгалче акай, чывет-влак шагалемын огытыл? - йодам.

- Чывем шымыт гына, шинча ончылнемак коштыт, - вашештыш Пайгалче акай.

Молан пурымем умылтарышымат, Микалян ватын суртышкыжо ошкыльым. Тушто «вор» пий нерген ойлышым. Пийышт нунын улмаш. Чыла вере чыве пуным ончышна, ышна му. Теве умшаш ала-мом пурлшо шем пий толын лекте.

- Шемечна шке модышыж денак кудалыштеш аман, - воштылале Микалян вате.

Пийын модышыжым тӱткын ончальымат, мыят воштыл колтышым. Чывылан ушагыше ош модыш мераҥ улмаш. Пий, пылышыж гыч пурлын, рӱзен кудалыштеш.

- Шемечна але изи, ик ийымат темен огыл. Ала-кушто тыгай модышым муынат, векат ок кудалте, - умыландарыш Микалян вате.

Ме, пийым ончен, кужу жап ойлен-ойлен воштылна. Тудыжат озажын йолжо воктен пӧрдӧ. Мый, чеверласен, мӧҥгӧ ошкыльым.

Тыге шкенан уремыште «вор» пийым ужым, но тудыжо «шолыштын» ок мошто улмаш. Айда ялыштына осал чонан еҥат, пият ыныштак лий.

Изображение Elena Rogulina с сайта Pixabay

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».