Все новости

Мераҥым «поктен шуыныт»

Микале ден Пашка пошкудо ялысе школыш тунемаш коштыт. Эрден эрак кастене ыштен ямдылыме факел дене школыш тарванат. Теве факел йӱленат пыта, а корем воктен эше ошкылман да ошкылман. Тушто пычкемышрак гынат, тул волгыдышто пӱртӱс пеш сӧралын коеш.

Мутланен ошкылмышт годым кенета пушеҥге-влак коклаште ала-могай янлыкым ужылдат, ончыч пырыслан шотлат. «Пырыс тыште мом ыштылеш?» манын, тӱткын шымлен ончат. «Тиде мераҥыс», - пелештен колта Микале да мераҥ почеш куржаш тӱҥалеш. Янлыкат тарвана, но пеш писын кудал огеш керт - шеҥгел йолжо эмганен чай.
Рвезе-влак мераҥым кучынештак. Микалын янлыкым поктен шушашыж годым йыдал нерже кушан дыр пижеш. Йолжо йыдал гыч лектын возеш, шкеже шуҥгалт кая. Кидеш кучымо консерв банке гыч ыштыме факелже шоныдымын мераҥ вуйыш миен логалеш. Тиде йоҥылыш перымат мераҥлан ситен: кугу шинчаж дене онча гынат, коленат колтен. Рвезе-влак ужыт: йолжо чот эмганымылан кӧра вӱрым шуко йомдаренат, кудал утлен кертын огыл. Ала-кӧ деч утлен кертын, конешне, но корем воктене рвезе-влакын корнышкышт логалын да… шӱмжӧ кырымым чарнен.

Изображение Susanne Jutzeler, suju-foto с сайта Pixabay

Читайте нас: