Все новости

Кемым чийынем ыле

Икана Ижевскыш мийышым. Толмо ыҥгаеш Нефтекамскыш пурышым, ала-могай сомыл ыле. Кайышым - йӱштӧ ыле, а тольым - чыла лева. Уремыште, тротуарыште вӱд, ночко лум...

А мый теле катам чиенам, универмаг могырыш ошкылам. Резина кемым налшаш ыле. Наламат, чием, шонем. Тӱрлӧ тӱсан - канде, ужарге, шун - мотор кем-влак модыш пуреныт ыле тугодым. Универмагыш миен шуым. «Резинка кем уло?» - йодам. «Уло», - вашештат ӱдыр-влак, шып воштылыт.
Ончем, полкышто кем-влак шогат. Чылан мотор, канде тӱсан улыт. Ныл кем, ныл тӱрлӧ размер. Но чылажат ик йоллан келшыше. Кем-влакым пӧрдыктем - «Кузе тыге ужален кертыда?» манын, мыят воштылам. «Ала вара, кемым налын пытарышт, алмашташ толшо иктат уке», - воштылыт ужалыше-влак.
Кем деч посна лектын ошкыльым.
Читайте нас: