2030-шо ий марте элым вуйлаташ тӱҥалеш

Инаугураций годым РФ Конституционный судын председательже Валерий Зорькинын темлымыж почеш Владимир Путин Правительствын, парламентын да власть кучемын еҥже, Конституционный судын судьяже, мер пашаеҥ-влак ончылно торжественный обстановкышто товатмутым ойлен да Россий Федераций Президентын полномочийжым шуктымо жапыште айдемын, гражданинын праважым да эрыкшым пагалаш, аралаш, Россий Федерацийын Конституцийжым шуктен шогаш, кугыжанышын суверенитетшым, эрыкшым, лӱдыкшыдымылыкшым, тичмашлыкшым аралаш, калыклан ӱшанлын служитлаш сӧрен. 

Ты кечылаштак Владимир Путин «О национальных целях развития Российской Федерации на период до 2030 года и на перспективу до 2036 года» указым пеҥгыдемден да ончыкылан могай корно дене вияҥшашым радамлен. Тиде калыкым арален кодымаш, сай экологий, пеҥгыде экономика, технологий-влакым вияҥдымаш, цифровой трансформаций.

Инаугураций деч вара Россий Федерацийын ончычсо Правительствыже отставкыш каен, но, у составым пеҥгыдемдымеш, шке пашажым шукташ тӱҥалеш.