Сценыште марла, рушла, татарла муро йоҥген

Марий национально-культурный автономийым вуйлатыше В. Кибатов идалык мучко ыштыме пашам иктешлыш, погынышо-влак марий калыкын илышыж дене кылдалтше тӱрлӧ йодышым каҥашышт. Конференцийыш марий-влакын илыме ял поселений вуйлатыше, верысе депутат, активист-влак миеныт ыле.

Официальный ужаш деч вара концерт тӱҥале. Тушто калыкым «Йоҥгалт, гармонь йӱк» марий гармонист-влакын самодеятельный ансамбльышт куандарыш. Сценыште рушла, марла, татарла муро-влак йоҥгышт. Гармонь сем почеш йол шкеак тавалташ ӱжын. Артист-влак тӱрлӧ семӱзгар дене шоктышт.
Концерт деч вара калык шала-
наш ыш вашке - ик «кандашаныш» ушнен, йӧратыме куштымашым тавалтыш.

Кызыт ансамбль Терси татар ялыште мастарлыкшым ончыкташ ямдылалтеш.