Пелемеш школышто вашлиймаш

Пелемеш тӱҥалтыш школ-йочасадыште Агрыз районысо изи комплектан да национальный образовательный учрежденийласе тӱҥалтыш класслаште пашам ыштыше туныктышо-влак «Особенности обучения языкам в национальной малокомплектной школе в соответствии требованиям ФГОС» теме почеш эртарыме семинарыш чумыргеныт. Тидлан ты школым арамлан огыл ойырен налме - Пелемешысе тӱҥалтыш школ-йочасад - национальный марий школ. Уна-влакым школ-йочасадын директоржо В. Шурметова да Буймо школ директорын алмаштышыже Е. Исанаева вашлийыныт. Пелемеш школын туныктышыжо-влак математика, шочмо, руш йылме да литератур дене оҥай урок-влакым эртареныт.