+7 °С
Облачно
Подписка
9 Апреля , 05:14
Марий улат гын, марий газетат пеленет лийже
Лум шула, кече утларак ырыкта, южгунам йӱржат мландым чывылта. Мланде кошкен шуэш веле, пакча пашалан пижына. Мотор шошо кечын кудывечыште, сад-пакчаште кечыгут тошкешташ ямде улына. Тыгай годым моло «ӧрдыж» сомылжым… вучалтат манын кодена, да тыге нуно южгунам йӧршеш мондалтыт.
А газет, журнал-влаклан возалтме сомыл лач тыгай жаплан логалеш.
Теве 1 апрельыште 2026 ийын 2-шо пелыжлан газет ден журнал-влаклан возалтме подписка почылтын. «Чолманлан» почто гоч возалтме ак - 646 теҥгеат 86 ыр. А 6-16 апрель кечылаште почтышто эшеат шулдынрак возалташ лиеш, молан манаш гын тиде лу кечылан Россий почта подписка декадым увертарен. Декада жапыште газетлан возалтме ак - 567 теҥгеат 30 ыр.
Газетым редакцийыш толын налше-влаклан идалыкын кокымшо пелыжлан подпискын акше тугак кодын: 354 теҥге. «Красное знамя» газет редакций гоч возалтме ак (оласе газетын доставщикше-влак намият) - 432 теҥге, ӧрдыж кундемлаште илыше-влаклан - 600 теҥге.
Шочмо йылме дене лекше газетлан подпискым пошкудылан, йолташлан, родо-шочшылан ышташ лиймымат ушышто кучена гын, эшеат сай. Уш-акылым пойдараш, увер-аҥарым пален шогаш, кумылнам нӧлталаш мо дене пӧлек огыл?
Новости партнеров
