Подписка - 2023: Шоҥгыеҥлан «Чолман» кӓдырле

Шукертсек «Чолманым» лудшо Дуня кувайын ийготшым пагален - вашке гыч тудо 87 ийым тема! - корно ыҥгай пӧлекым шкеак пуртен кодышна. Паша ветеран Дуня Ильбахтиновна ӱмыржӧ мучко Мичурин лӱмеш колхозышто тыршен. «Марием колымо деч вара ынде коло ий шкетын илем», - манеш тудо. Кугурак сомылым икшывыже-влак ыштыл кодат, а кажне кечын шуктышашыжым шке ворандара. 

Мутланен шинчыме годым мемнам эше чотрак ӧрыктарыш. Тудо «Чолманын» шуко номержым сакла -  палыме еҥже-влак нерген але шкенан велне илыше-влакын серымыштым уэш-пачаш лаштыкла, икшывыже-влаклан лудаш пуэн колта.

Илалше-влак газетнан эн лишыл, ӱшанле йолташыже улыт: лудыт, подпискым ыштат, пӧлек модмашке квитанцийым колташат йӧным муыт…  

Таза лий, Дуня кувай! Тый самырык тукымлан, газет лудшына-влаклан пример улат!