Все новости
Подписка
4 Шыжа 2022, 13:53

Идалыкын акцийже

Газетым луд, молымат ушо да пӧлекым нал!

Вес ийлан газетлан возалтше-влаклан чапле пӧлекым ямдыленна. Тиде сурт-пече коклаште але озанлыкысе моло пашаште кучылташ пеш кӱлешан инструмент - бензопила. Но тиде эше чыла огыл. Пӱрӧ олаште Икымше марий погыным эртарымылан тений 105 ий теме. Ик курым утла ончыч исторический келге йодышлан - шочмо йылмым, марий тиштым печать гоч арален кодашлан кугезына-влак лач тунам негызым пыштеныт. Пошкырт кундемыште тыгай суапле мер пашан вож-шо ынже йом манын, Икымше марий погынлан 105 ий темме идалыкыште «Чолман» республиканский газет редакцийын тений акцийым увертараш темлымыжым Бирскыште эртарыме научно-практический конференцийыште йӧплымӧ: республикыште марий-влакын 13 культурный автономий мер организацийышт уло, садлан нунат шке районыштышт илыше, шушаш идалыклан «Чолман» газетлан  возалтше-влаклан пӧлекым налыт. Лудшо-влак квитанцийын копийжым редакцийыш колтат ([email protected] электрон адресыш, почта гоч, газетын vk.com/cholman лаштыкышкыже але пуртен кодашат лиеш), нуным посна яшлыклаш оптен, кажне районын подписчикше-влак коклаште модмашым эртарена. Мутлан, Мишкан районышто налме пӧлек лач тушто илыше «Чолманын» подписчикшылан логалеш. Тыгак моло районыштат. А  налме пӧлекыштым  мер организаций-влакын еҥышт шке районыштышт кучыктат. Редакцийын пӧлекше ямде, районлаште кушто могайым налмым увертарен шогаш тӱҥалына. Но подпискым ыштыме нерген КВИТАНЦИЙЫМ «ЧОЛМАН» ГАЗЕТ РЕДАКЦИЙЫШ КОЛТЫМАН!            

Автор:Игорь Губаев
Читайте нас: