Все новости
Подписка
27 Ага 2020, 16:53

Почтыш мийыдеат лиеш…

Республикысе почтальон-влак гыч кумло наре процентше пеленышт кассыш тӱлымӧ мобильный терминалым кондыштарат. Почтальон толмо годым мӧҥгыштак коммунальный да моло услугылан, тыгак налогым, кредитым тӱлен колташ, страховкым оформитлаш лиеш.

Пенсийым, корреспонденцийым кондымыж годым еҥ-влаклан, поснак кугу ийготан але ошкыл кошташ йӧсланыше-влаклан, кӱлешан сомылым икганаште ворандарен колташ пеш йӧнан. Почтын лишыл (але ялысе) отделенийышкыже йыҥгыртен йодыда гынат, тендан дек пашаеҥыштым колтат. Тыгай паша режим коронавирус шарлыме жапыште веле огыл, эре кучылталташ тӱҥалеш. Газетлан подпискымат тыгак ыштен кертыда. Пагалыме лудшо-влак, «Чолманлан» возалташ ида мондо! Огыдат шиж, май эртенат кая, а июньышто тыҥге-туҥге тошкалашат жап ок код! Пел ийлан подпискым ыштыме ак - 426 теҥгеат 26 ыр.
Читайте нас в