Почтыш кайыде, газетлан возалташ лиеш

Коронавирус чер шарлен толмылан кӧра илыш чарнен шогалшаш огыл. Садлан кеч-могай пашаштат у йӧным, могай гынат вашталтышым ыштен кертшашлык корным кычалман. Ончыч газетлан, пӧрт гыч лекде, электрон подпискым гына ышташ лиеш ыле гын, ынде кагазеш печатлен лукмо номерже-влакланат мӧҥыштак возалташ лиеш. Идалыкын кокымшо пелийжылан подпискым ышташ «Чолман» газетын сайтышкыже cholman.rbsmi.ru пурыман, лаштыкыштына «Подписка в один клик» манын возымо семын компьютер але телефон клавиатурын ик кнопкыжым темдалме денак газетлан возалт кертыда.

Тыштак ончыктымо QR код тиде пашам эшеат куштылемда. Подпискым ыштыме годым илыме вердан почто индексшым, сото телефондан номержым, шкендан электрон адресдам возыман (Сайтын лаштыкшым почмек, чыла тиде коеш.). Акшым банкын картыж дене тӱлыман. Ты сомыллан икмыняр минут веле кая. Газетлан тыге возалтмыда электрон йӧн денак почтышко кая (Илыме вер индексдам возымо годым йоҥылышым ида ыште.), тушто тендан ончыктымо адрес почеш доставочный карточкым оформитлат. Тыге июль тылзе гыч «Чолман» газетым тендан деке адакат почтальон кондаш тӱҥалеш. Ялыште илыше южиктыже але кугурак ийготан-влак электрон технологий дене пайдаланаш йӧсланен кертыт. Садлан ача-ава, коча-кова, родо-шочшо-влаклан икшывышт, уныкашт, кеч-кушто илат гынат, возалташ полшен кертыт. Да палыме тыглай самырык-влакымак тидым ышташ йодын кертыда, подпискым ыштыме ак кӱшеш оксам (426,42 теҥ) кучыктеда да шкендан адресдам каласеда але возен пуэда. А нуно шке картышт гоч подпискылан кусарат. Почто але почтальон гоч возалтме ончычсо йӧным тугак кучылташ лиеш, чылажат осал чер шарлен толмым, пӧртыштӧ шинчыме режимым кораҥден кертме деч шога. Пашада ушныжо, пагалыме лудшына-влак! Шкендам аралыза, йӧсылык лондемым сеҥен вончаш таза да поро кумылан лийза!

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».