Лудшын пайремже тӱвыргын эртыш

Подписчикын кечыже лудшын пайремже семын эртыш. Кумылан-влак тӱрлӧ кидпаша дене мастер-классыште шуаралтыч, йоча-влак дене пырля оҥай аттракционышто веселитлышт, юрист деч, пенсионный фондын, калыкым каҥашым нальыч. Полатын кокымшо пачашыштыже Нефтекамск оласе марий, руш, татар, башкир тӱвыра да мер рӱдерын чолга еҥышт-влак калыкым пырля мурен-кушташ таратышт. Л. Ислаеван марла такмакым веселан йоҥгалтарымыже почеш татар ансамбль да погынышо калык верыштышт шинчен ышт турко - тавалташ лектыч. «Поэтический Нефтекамск» ушемын мутмастарже-влак сылнымут тӱняш унала ӱжыч. Тазалык рӱдер гыч мийыше автопоездыште калык тазалыкшым терген керте. Пайремыште Нефтекамск печать пӧртын, тыгак кочкыш-йӱышым ужалыше сату выставка-влак пашам ыштышт. Лудшын пайремже полатын сценыштыже ямле концерт дене мучашлалте. Тушто сцене гыч калыкым татар ансамбльын гармоньчыжо-влак, йоча куштышо коллектив, Нефтекамск филармонийын солистше И. Минниахметов, «Шӱдыргорно» мурышо ансамбль да моло усталык коллектив-влак сӧрастарышт. Тугодымак газетлан подпискым ыштыше-влак коклаште пӧлек модмашым эртарыме. «Чолманлан» шушаш ийлан возалтше лудшо-влак коклаште Нефтекамск ола гыч Гареевмыт ойыртемалыч - еш мужыр электрический чайникым модын нале. Газет нерген эн сай такмак-влакым йоҥгалтарыше Людмила Ислаевалан пӧлекым (вазым) кучыктымо.