У аллейым Кугу Сеҥымашлан лӱмленыт

Вер-шӧрым тӱзатыме суапле сомылыш Нефтекамск олаште илыше калыкат ушнен. Тыште тиде кечын 1941-1945 ийласе Кугу Ачамланде сарыште Сеҥымашлан 80 ий теммылан лӱмлымӧ у аллей шочо. Нӧргӧ пушеҥге-влакым шындаш тӱрлӧ учрежденийын пашаеҥже, предприниматель, кадет класслаште тунемше ӱдыр-рвезе, ветеран да мер ушемын еҥже, волонтер-влак чумыргеныт. Нефтекамскыште поро йӱлам шуктымо сомылыш Башкортостан Республикын жилищно-коммунальный озанлык министрже Ирина Голованова, Нефтекамск ола администрацийым вуйлатыше Эльдар Валидоват ушненыт. Нуно поро йӱлам шукташ ушнышо калыклан тауштеныт да, тыныс илышын символжо семын, у аллей олам сӧрастараш, калыкым куандараш тӱҥалеш манын палемденыт.