Сеҥымаш эстафета эл мучко эрта

1941-1945 ийласе Кугу Ачамланде сарыште сеҥымылан 80 ий темме лӱмеш 2025 ий 2 февральыште элыштына «СНГ кугыжаныш-участник-влакын тӱжвал границышт мучко эртыше Сеҥымаш эстафета» тӱнямбал военно-патриотический акций тӱҥалын. Лач ты кечын, 1943 ий 2 февральыште, Сталинград кредалмаш пытен, да Йошкар Армий сеҥымашым кондышо наступленийым тӱҥалын.

Б. Ашиев мура. Еш архив гыч налме фото.

Сеҥымаш эстафета икганаште кок вере - Белоруссийысе Брест олаште да Мурманск олаште тӱҥалтышым налын. А иктешлымаш мероприятийже Москваште 28 майыште Пограничникын кечыж годым лиеш. Тиде сар годым элна верч кредалмаште вуйыштым пыштыше салтак-влакым, тылыште вийым чаманыде тыршыше калыкым, таче элнам аралыше-влакым эше ик гана шарналташ пеш сай йӧн.

Элнан кечывалвелныже, Крымыште лийше мероприятий-влак деч вара, 20 мартыште Сеҥымаш эстафетым Тамань станица да Темрюк, Славянск-на-Кубани ола-влак вашлийыныт. Россий ФСБ-н Краснодар кундемысе Пограничный управленийже мероприятий-влак дене пырля патриотизм шӱлышан концерт-влакымат эртарен. Кызыт тудо кундемыште служитлыше марий офицер (Ме тудым эше чапле мурызо семын палена), Мишкан район Изи Накаряк гыч Борислав АШИЕВАТ тушто профессиональный порысшым шуктымо дене пырля мурымо мастарлыкше денат куандарен.

Нине олала гыч Сеҥымаш эстафетым Ейск олашке ужатеныт.

Автор:Игорь Губаев

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Об использовании персональных данных

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

cholman@mail.ru

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».