Арулык шкенан деч тӱҥалеш

Тӱрлӧ предприятий ден организацийын коллективше-влак эрдене каныме паркыш чумыргышт. Организатор-влак пашалан кӱлешан ӱзгарым, мешакым, перчаткым ондак ямдыленыт, туштак шалатышт. Ола администрацийым вуйлатыше Эльдар Валидов вер-шӧрым тӱзаташ чумыргышо-влакым тауштыш, тӱвыра пашаеҥ-влак калыкым муро дене пашалан кумылаҥдышт. Субботник годым чылан тӱшка вий дене уремлам теле мучко чумыргышо шӱкшак, кукшо лышташ деч эрыктышт, аллей-влакым тӱзатышт, лумым шалатышт, чодырасе Тазалык йолгорныштат арулыкым пуртышт. Паша деч вара каналташат сулык огыл: куштырам мешаклаш темкалымеке, субботникыш ушнышо-влакым шокшо пучымыш дене сийлышт.