Элым аралыше-влак лӱмеш

22 июньышто, Кугу Ачамланде сар тӱҥалме кечын, Уфасе кӱртньыгорно вокзалыште элым аралаш кайыше воинский часть-влаклан памятникым почыт. А сентябрьыште Уфасе Сеҥымаш паркыште Совет Ушемын 20, Россий Федерацийын 14 Геройыштым да Чап орденын 11 тичмаш кавалержым шарныктыше кок гранит стелым ыштат. Кызыт республикын рӱдолаштыже Советский площадьым реконструироватлаш тӱҥалыныт. Тушто 112-шо Башкир кавалерий дивизийын командирже, шукерте огыл Российын Геройжо лӱм дене суапландарыме генерал Шаймуратовлан памятникым шогалтат. Тидын нерген Башкортостан Вуйлатыше Радий Хабиров ветеран-влакын мер организацийышт дене вашлийме годым каласкален.

Э. АПТУЛМАНОВА.