Сеҥымаш парадлан ямдылалтыт

24 июньышто Москвасе Йошкар площадьыште Кугу Ачамланде сар пытымылан 75 ий темме лӱмеш Сеҥымаш парадым эртарат.

Тудо 1945 ий 24 июньысо парадым шарныктыше лиеш: «Юбилейный встречный марш» дене почылтеш да кастене салют дене мучашлалтеш.

Йошкар площадь дене военно-служащий ден курсант-влак маршироватлат, бронетехника ден авиаций каят, Кугу Ачамланде сар жапысе машина-влакым ончыктат, музыкальный репертуарыш тугодсо сем ден марш-влакым пуртымо. Оборона министерство парадлан ямдылалташ тӱҥалын, воза «Известий» газет.

Э. АПТУЛМАНОВА.